Stop COVID19 Сайт тест режимида ишламоқда
ИШОНЧ ТЕЛЕФОНИ
(0 371) 200 88 11
ЯГОНА ТЕЛЕФОН
(0 371) 232 80 63

Ҳокимнинг маърузалари

16-05-2018
Тошкент вилояти ҳокими Ғ. Ибрагимовнинг Чиноз туманидаги “Чинзара текстил” корхонасининг очилиш маросимидаги ТАБРИК СЎЗИ

Ассалому алайкум, қадрли маросим иштирокчилари!
Ҳурматли корхона жамоаси, тадбиркор ва сармоядорлар!

Бугун бутун мамлакатимизда...

15-05-2018
Тошкент вилояти ҳокими Ғ. Ибрагимовнинг Чиноз туманидаги “Фуран текстиль” корхонасининг очилиш маросимидаги ТАБРИК СЎЗИ

Ассалому алайкум, қадрли маросим иштирокчилари!
Ҳурматли корхона жамоаси, тадбиркор ва сармоядорлар!

Айни пайтда бутун мамлакатимизда...

12-05-2018
Тошкент вилояти ҳокими Ғ. Ибрагимовнинг Олмалиқ шаҳрида фаолият бошлаётган шифохона мажмуасининг очилиш маросимидаги ТАБРИК НУТҚИ

Ассалому алайкум, қадрли меҳмонлар!
Муҳтарам нуронийлар, фаоллар ва ёшлар, азиз Олмалиқ аҳли!

Бугун барчамиз, она диёримизда...

11-05-2018
Тошкент вилояти ҳокими Ғ. Ибрагимовнинг Тошкент ҳарбий округи ҳарбий хизматчилари ўртасида ўтказиладиган “Танк биатлони” тактик мусобақасининг очилиш маросимидаги Нутқи

Ассалому алайкум, қадрли тадбир иштирокчилари!
Ҳурматли харбий хизматчилар, офицер ва генераллар!
Авваламбор, Сиз, азиз Ватан ҳимоячилари...

11-05-2018
Тошкент вилояти ҳокими Ғ. Ибрагимовнинг Паркент туманида Хотира ва Қадрлаш кунига бағишлаб ўтказиладиган белбоғли кураш бўйича халқаро турнир иштирокчиларига Табрик сўзи

Ассалому алайкум, халқаро турнир иштирокчилари!
Ҳурматли вилоятимиз меҳмонлари!
Қадрли устоз ва мураббийлар, спортсевар ёшлар!

Авваламбор, сиз, азизларни бугунги қутлуғ сана — Хотира ва қадрлаш куни ҳамда Иккинчи жаҳон урушида қозонилган Буюк ғалабанинг 73 йиллиги билан муборакбод этиб, ушбу ўзига хос мардлик ва жасорат намунаси бўлган халқаро мусобақада барчангизга куч-қувват, хушкайфинг, юксак ирода, янгидан янги муваффақиятлар тилашдан бениҳоя мамнунман.
Барчангиз ушбу мусобақаларга чуқур тайёргарлик кўриб, сизларни бағрини кенг очиб кутиб олаётган, меҳр-оқибат, одамийлик каби фазилатлар қадр топган, кураги ерга тегмаган асл полвонлар замини бўлган Паркент туманига Хуш келибсизлар!
Бугун муҳтарам Президентимиз раҳнамолигида халқимиз ўз олдига дунёдаги ривожланган давлатлар қаторига кириш, ҳаёт даражаси ва фаровонлигини ошириш, ўз эркинлигимизни, ўз мустақиллигимизни ҳимоя қилишга қодир бўлиш, жаҳон миқёсида муносиб ўрин эгаллашдек буюк мақсадларни қўйиб яшамоқда, меҳнат қилмоқда.
Бу юксак марраларга эришишнинг энг катта, энг муҳим шарти ва омили – бу авваламбор ҳам жисмоний, ҳам маънавий жиҳатдан соғлом, Ватанимизнинг тақдири ва истиқболи учун масъулиятни ўз зиммасига олишга қодир бўлган баркамол авлодимиз, мана шу майдонда тўпланган сизлар каби ёшларимиз, ўз фарзандларимиздир.
Қадрли мусобақа иштирокчилари!
Ўзингизга яхши маълум, бугунги кунда юртимизда замонавий, инновацион таълим-тарбия тизими, ўқув масканлари, спорт иншоотлари барпо этишга катта эътибор қаратиляпти.
Униб-ўсиб келаётган, баркамол авлод бўлиб вояга етаётган ёшларимизнинг барчаси ўз ҳаёти, ўз келажагини спортсиз тасаввур этолмайди, десак, айни ҳақиқатни айтган бўламиз.
Сизларнинг билим чўққиларини эгаллаш билан бирга, халқимизнинг минг йиллик фахри ва ғурури бўлган миллий курашга меҳр қўйиб, халқаро олимпиада ўйинларининг барча тамойилларини ўзида мужассам этган ушбу нуфузли турнирда иштирок этаётганингизнинг ўзи мамлакатимизда спортга қаратилаётган эътибор ўзининг ҳар томонлама тотли меваларини бераётганини англатади, албатта.
Бинобарин, Ўзбекистонда миллий спорт турларини ривожлантириш, ёшларнинг жисмоний тарбия ва спорт билан шуғулланиши учун шарт-шароит яратишга қаратилаётган алоҳида эътибор самарасида белбоғли кураш ҳам оммалашиб бормоқда. Белбоғли курашга бўлган қизиқиш тубдан ўзгарди, унинг қоидалари такомиллаштирилди. Ушбу спорт тури бўйича мамлакатимизда нуфузли мусобақалар ташкил этилиб, болалар ва ўсмирлар спорт мактабларида юзлаб спорт тўгараклари фаолият юритмоқда.
Маълумотларга қараганда, бугун белбоғли кураш тури билан саксон мингдан ортиқ ўғил-қиз мунтазам шуғулланмоқда. Улар Осиё, жаҳон чемпионатлари ва халқаро мусобақаларда муносиб иштирок этиб, ғолиб ва совриндорлар қаторидан жой эгаллаб келмоқда.
Бугунги халқаро мусобақада ҳам ўндан ортиқ вазн тоифасида, республикамизнинг барча ҳудудларидан, қолаверса, қўшни мамлакатлардан 220 дан ортиқ маҳоратли полвонлар бел олиш учун келишганининг ўзиёқ унинг нуфузи ва аҳамиятидан дарак бериб турибди.
Ҳурматли мусобақа меҳмонлари!
Ўрни келганда, бизнинг Тошкент воҳамизда ҳам белбоғли кураш анъаналарини ардоқлаб, уни асрлар оша авлодларга безавол етказиб келган асл полвонлар яшаб ўтгани ва бу анъана ҳануз бардавом эканини таъкидлашни истардим.
Бу ҳақда гап кетганда, мана шу заминда туғилиб ўсиб, айнан белбоғли кураш бўйича жуда кўп халқаро турнир чемпионларини етиштирган, ўз умрини баркамол авлод тарбияси йўлига бағишлаган машҳур мураббий Қамариддин Турсунов, паркентлик полвонлар сулоласининг ёрқин вакиллари бўлган Нуриддин ва Искандар Маҳаматовлар, пискентлик ардоқли полвон Абдурасул Саидбоев, жаҳон чемпионати совриндори, машҳур полвон Ғолиб Аҳмедов номларини ҳурмат билан тилга олишимиз табиийдир.
Умид қиламиз ва ишонамизки, бундай нуфузли анъанавий халқаро турнирнинг ҳар йили Паркент туманида ўтказилиши ўсиб келаётган ёшларимиз ва ҳаваскор полвонларимиз учун жуда катта ибрат ва мардлик мактаби вазифасини ҳам ўтайди. Бу заминдан ҳали кўплаб маҳоратли полвонлар, мамлакат, Осиё ва жаҳон чемпионлари етишиб чиқишида мустаҳкам асос бўлиб хизмат қилади. Зотан, спорт майдонларида эришиладиган ютуқ – нафақат спортчининг ютуғи, ана шу инсонни тарбиялаб вояга етказган бутун жамиятимизнинг ютуғидир.
Азиз дўстлар! Сўзимнинг якунида Сизларни мазкур спорт байрами билан яна бир бор табриклаб, барчангизга бугунги муросасиз беллашувларда ва келгуси ҳаётингизда янги-янги муваффақиятлар тилайман.

Эътиборингиз учун раҳмат!