Chirchiq davlat pedagogika universitetida YAngiyo'l, Chinoz, Quyi Chirchiq, Oqqo'rg'on tumanlari va YAngiyo'l shahrida faoliyat olib borayotgan 207 nafar mahalla raislarining o'quv-seminari tashkil etildi.

Mazkur o'quv-seminarlarga Oliy va o'rta maxsus ta'lim, Toshkent viloyati hokimligi, viloyat mahalla va nuroniylarni qo'llab-quvvatlash boshqarmasi, Adliya boshqarmasi, Yoshlar ishlari agentligi, Iqtisodiyot va kambag'allikni qisqartirish boshqarmasi vakillari trener-moderator sifatida taklif etilgan.

Shuningdek, mashg'ulotlar doirasida hududlarda sektor rahbarlari bilan uchrashuv ham belgilangan.

Kuni kecha Toshkent viloyati hokimi vazifasini bajaruvchi Zoyir Mirzaevning mashg'ulotlarda qatnashayotgan mahalla raislari bilan uchrashuv tahliliy ruhda o'tdi.

Viloyat etakchisi mahalla raislarining vazifa va majburiyatlari haqida alohida, hayotiy misollar bilan to'xtaldi.

Suhbat chog'ida mahallabay ishlash tizimining mohiyati, fuqarolarning murojaatlari bilan tizimli ishlash, mahalla raisining hokim yordamchisi, yoshlar etakchisi, xotin-qizlar faoli va profilaktika inspektori bilan hamkorlikda amalga oshiradigan vazifalari xususida ham batafsil so'z yuritildi.