Hududlarda paxta va g'alladan qisqartirilayotgan er maydonlarida bog'dorchilik, uzumchilik, sabzavotchilik va dukkakli ekinlarni etishtirish, eksportbop qishloq xo'jaligi ekinlari ekishni ko'paytirish, shuningdek, mazkur ishga aholining keng qatlamini jalb qilish borasida Prezidentimiz tomonidan ko'plab imtiyoz va imkoniyatlar yaratib berilmoqda.

Jumladan, viloyat hokimining qishloq va suv xo'jaligi masalalari bo'yicha birinchi o'rinbosari Xolmirza Niyozov Ohangaron, Chinoz, Bekobod, hamda Buka tumanlarida O'zbekiston Respublikasi Prezidentining “Meva-sabzavotchilik va uzumchilikda oilaviy tadbirkorlikni rivojlantirish, qishloq xo'jaligi ishlab chiqarishida dehqon xo'jaliklarining ulushini oshirish chora-tadbirlari to'g'risida”gi qarori ijrosi yuzasidan amalga oshirilayotgan ishlarni ko'zdan kechirdi.

Dehqonlar bilan muloqotda sohadagi yutuq va kamchiliklar yuzasidan fikr almashdi.