ISHONCH TELEFONI
(0 371) 200 88 11
YAGONA TELEFON
(0 371) 232 80 63

“YAngi O'zbekiston" massivi — o'z nomiga monand oshiyonga aylanmoqda

photo2022-06-2219-52-02.jpg

Chirchiq shahri “Iftixor” mahallasidagi “YAngi O'zbekiston” massivida qurilish ishlari jadal bormoqda. YAngidan qad rostlayotgan ko'p qavatli zamonaviy uy-joylar shahar ko'rkiga ko'rk qo'shmoqda. Ijtimoiy soha ob'ektlari soni ham kun sayin ko'payib, Chirchiq yurtimizdagi eng ko'rkam va jadal rivojlanayotgan shaharlardan biriga aylanmoqda.

photo2022-06-2219-51-51.jpg

photo2022-06-2219-51-50.jpg

Bugun Toshkent viloyati hokimi vazifasini bajaruvchi Zoyir Mirzaev hamda Chirchiq shahar hokimi Davron Xidoyatov mazkur massivda bo'lib, bunyod etilayotgan ko'p qavatli uylarning qurilishini tizimli tashkil etish ishlari bilan tanishdilar.

photo2022-06-2219-51-52.jpg

Bu erdagi ichimlik suvi ta'minoti, elektr energiyasi, kommunal xizmatlardagi kamchiliklarni bartaraf etish bo'yicha mas'ullarga topshiriqlar berildi.

photo2022-06-2219-51-58.jpg

Shuningdek, rahbarlar qurilish ishlarini amalga oshirayotgan mutassadilar bilan suhbatlashishdi. Ular mazkur massiv Prezidentimiz topshirig'i bilan kompleks rivojlanish tamoyili asosida bunyod etilishini, bunday islohotlardan ko'zda tutilgan maqsad aholiga munosib turmush sharoiti yaratib berish ekanligiga e'tiborni qaratdilar.

photo2022-06-2219-52-01.jpg

photo2022-06-2219-51-57.jpg

Shu sababli ham qurilish sifati, iqtisodiy, ijtimoiy infratuzilma tarmoqlari har tomonlama aholi istaklariga mos va xos bo'lishi kerakligi, zamonaviy innovatsiya va investitsiyalarni jalb etgan holda massivda bunyodkorlik ishlari ko'lamini yanada kengaytirish shu kun talabi ekanligi ta'kidlab o'tildi.

photo2022-06-2219-51-49.jpg
Suhbat davomida uy-joy qurilishida yuzaga kelishi mumkin bo'lgan kamchiliklarni bartaraf etib, ob'ektlarni rejaga asosan foydalanishga topshirish zarurligi ham ta'kidlandi.

photo2022-06-2219-51-50-2.jpg

Shuningdek, Zoyir Mirzaev shaharda bunyod etilayotgan yangi ko'prik qurilishini ham ko'zdan kechirdi.

photo2022-06-2220-03-57.jpg

Mazkur noyob loyiha O'zbekiston Respublikasi Transport vazirligi, "O'zbekiston Temir yo'llari" AJ va Toshkent viloyati hokimligi tomonidan ishlab chiqilgan bo'lib, u Chirchiq shahriga olib kiruvchi 4R12 magistral yo'li orqali Chirchiq daryosi ustidan o'tuvchi muhtasham ko'prik inshootini o'z ichiga oladi.

photo2022-06-2220-03-58.jpg

Etuk muhandis va loyihachilar tomonidan ko'plab muhokamalar orqali yanada takomillashtirilgan loyiha o'zining qulay yo'l o'tkazgich echimiga egaligi, unda to'xtash hududlari, sug'orish va irrigatsiya tizimlari, tashqi yoritish qurilmalari e'tiborga olinib, obodonlashtirish va ko'kalamzorlashtirish ishlariga ham katta ahamiyat berilgani e'tiborlidir.